因冠狀病毒爆發而暫停，復課後將再作安排

登登登凳，SYA Project誠意推介：PMP！

知道SYA同學學業壓力好繁重，加上得唔到適切嘅支援，你哋嘅學習體驗因為咁而受到影響。SYA Project專門為各位SYA新生推出咗學長指導計劃 (Peer Mentoring Program, PMP)。PMP嘅主旨就係想幫各位新生平穩順暢咁度過由大專或者專上學院升入理工大學嘅銜接階段，擁抱大學生活。呢個新計劃亦為SYA同學提供咗一個平台，認識同自己學術背景相近嘅師兄師姐，建立互動嘅關係，擴闊社交圈子，全面提升SYA新生喺PolyU嘅學習體驗!

邊個可以參加PMP㗎?
只要你係SYA新生，無論來自邊個學系，都可以參加PMP㗎～

點樣可以做到Mentee? Mentee係做咩嘢㗎?
SYA Project雲集唔同學系、經驗豐富嘅學生大使 (Mentor)，逢星期五朝早十點至到六點，佢哋就會喺PQ413或者AG101恭侯大家，為SYA同學解答疑難㗎喇。到時大家可以帶住任何有關於大學生活嘅問題 (例如：大學資源、學生活動、學業計劃、科目註冊、人際關係等等) 過嚟問我哋嘅學生大使，佢哋會分享自己嘅秘訣、知識同埋經驗，大家保持開放嘅態度，接受建設性意見就得㗎喇～

我哋歡迎SYA同學預先聯絡學生大使預約時間，當然無預約嘅同學仔亦都可以即場參加啦～順帶一提，參加無需收費㗎。

我會有咩得著?
1. 可以識到學業背景相近嘅師兄師姐，擴闊社交網絡✌2. 發展適合自己大學生涯嘅學習方式✌
3. 獲得大量有關於大學生活嘅資訊✌4. 攞到師兄師姐嘅意見和支持，同時可以自己做選擇，決定點做✌

對SYA PMP有問題? 歡迎打嚟3400-8184或者寄電郵俾我哋 (Email住址會使用灌水程式保護機制。你需要啟動Javascript才能觀看它) 問喔!